
Rusiya Federasiyasının Bitkiçilik üzrə Federal Tədqiqat Mərkəzinin əməkdaşları TETİ-də olmuşlar

Rusiya Federasiyasının Bitkiçilik üzrə Federal Tədqiqat Mərkəzinin əməkdaşları Gins Murat və Musayev Fərhad, Moldova Respublikasının Dnestryanı Universitetinin əməkdaşı Smurova Natalia faydalı ikitərəfli əməkdaşlığın qurulması, yaradıcı təmasların axtarışı və elmi forumların birgə təşkili məqsədi ilə Tərəvəzçilik Elmi-Tədqiqat İnstitutunda işgüzar səfərdə oldular.Qonaqları İnstitutun İdarə heyətinin sədri Elmar Allahverdiyev qarşılayaraq onlara İnstitutun fəaliyyəti, aparılan elmi-tədqiqat işləri,yaradılan tərəvəz sortları haqqında ətraflı məlumat verdi.Səfər zamanı qonaqlar İnstitutun ən müasir avadanlıqlarla təchiz olunmuş laboratoriyaları və istixana kompleksi ilə də tanış oldular.Daha sonra iki qurum arasında gələcəkdə aparılacaq əməkdaşlıq münasibətləri müzakirə olundu





