Bakı Dövlət Universiteti ilə Tərəvəzçilik Elmi-Tədqiqat İnstitutu arasında əməkdaşlıq imkanları ilə bağlı görüş keçirlmişdir.

Tərəvəzçilik Elmi-Tədqiqat İnstitutu ilə Bakı Dövlət Universiteti arasında əməkdaşlıq imkanları müzakirə edilməsi məqsədi ilə Bakı Dövlət Universitetinin Bioekologiya kafedrasının rəhbərliyi,professor-müəllim heyyəti İnstituta səfər etmişdir. Səfər çərçivəsində qonaqlar İnstitutun istixanalarında, Aqrobiotexnologiya,Bitki-mühafizə, Funksional Analizlər laboratoriyalarında olmuş, burada quraşdırılmış cihaz və avadanlıqlar barəsində, həmçinin aparılan analizlərlə bağlı ətraflı məlumat almışdırlar. 
    Səfərdən məmnun olduqlarını bildirən Bakı Dövlət Univesitetinin proffesor-müəllim heyyəti İnstitutun mövcud laboratoriyalarından birgə tədqiqatlarda istifadə, yerli və beynəlxalq qrant layihələrində iştirak, tədqiqatların nəticələrinin beynəlxalq xülasələndirmə və indeksləmə sistemlərinə (bazalarına) daxil olan dövri elmi nəşrlərdə çap oluması, universitetin müvafiq ixtisaslarında bakalvr və magistr pilləsi üzrə təhsil alan tələbələrinin İnstitutun müvafiq istehsalat və emal sahələrində,həmçinin müvafiq laboratoriyalarında istehsalat təcrübələrinin təşkili ilə bağlı fikirlər müzakiə olundu. Müzakirələrin nəticəsi kimi yaxın zamanda Tərəvəzçilik Elmi-Tədqiqat İnstitutu ilə Bakı Dövlət Universiteti arasında qarşılıqlı əlaqələrin rəsmiləşdirilməsi üçün memorandumun imzalanması qərara alındı.