Tərəvəzçilik Elmi Tədqiqat İnstitutunun əməkdaşları ağacəkmə aksiyasında iştirak ediblər

Tərəvəzçilik Elmi Tədqiqat İnstitutunun əməkdaşları 6 dekabr 2019-cu il tarixdə Azərbaycan Respublikasının Birinci vitse-prezidenti Mehriban xanım Əliyevanın təşəbbüsü ilə mütəfəkkir şair İmadəddin Nəsiminin 650 illik yubileyi münasibətilə ölkə üzrə bir gündə 650 min ağac əkək kampaniyası çərçivəsində Kənd Təsərrüfatı Nazirliyinin Baytarlıq Elmi-Tədqiqat İnstitutunun Abşeron Təcrübə Təsərrüfatında tut tinglərinin əkini aksiyasında iştirak ediblər.
Bu kampaniya böyük şairin dünya əhəmiyyətli poeziyasının beynəlxalq aləmdə təbliğinə, ölkəmizdə yaşıllıqların daha da artırılmasına, qlobal iqlim dəyişikliyinin təsirlərinin azaldılmasına və insanların ətraf mühitin sağlamlaşdırılması naminə həmrəylik göstərməsinə xidmət edir.